29, ఫిబ్రవరి 2020, శనివారం

"ముందు అట్ట" మెరుగు

పుస్తకముల, జనుల మస్తకముల నెప్డు -
పైన జూచి కట్టవలదు విలువ!
"ముందు అట్ట" మెరుగు మోసపుచ్చగ వచ్చు;
లోన సారమేమి కానరాక!

21, ఫిబ్రవరి 2020, శుక్రవారం

ఆత్మ సంయమనం

బయటనున్న నీరు పడవ నెప్పుడు గూడ
ముంచబోదు! తేలి యుంచగలదు!
లోనికరుగు నీరు లోనికి ముంచును!
ఆత్మ సంయమనమె యగును రక్ష!!

19, ఫిబ్రవరి 2020, బుధవారం

క్రొత్త నడకలు

"నీరు పల్ల మెరుగు" - నిన్న, మొన్నటి మాట!
"నీరు పైకి పారు" - నేటి పాట!!
నదుల కిపుడు క్రొత్త నడకలు నేర్పెడు
"చంద్రశేఖరు"నికి సాటి యెవరు?

16, ఫిబ్రవరి 2020, ఆదివారం

24 గంటలు


పొట్ట కూటికై పనిచేయ బూను కొరకు -
జీవితాశయ సాధన చేయు కొరకు -
తిండి నిద్రాదులను పొంద - దేవుడిచ్చె
ఎన్మి, దెన్మి, దెన్మిది గంట లిల నరునికి!

2, ఫిబ్రవరి 2020, ఆదివారం

క్రొత్త లెక్క


క్రొత్త లెక్క జెప్పి విత్త మంత్రిణి గారు
ప్రాత లెక్క కూడ చేతబెట్టి,
ఎంచుకొనుడటంచు ముంచె సంశయమందు -
వేతనాల జనులు వెధవలైరి!!!