నూట ముప్పదేళ్ళ నాటి స్ఫూర్తి

 

ఏ వేదిపై నుండి ఆ వివేకానందు

    డధునాతన ప్రబోధ మంద జేసె -

ఏ దివ్య సందేశ మిసుక రాలని యట్లు

    గుమిగూడిన ప్రజల గుండె తాకె -

ఏ వచ స్సాగర మెల్ల జనాబ్ధిని

    తన్మయత్వము నందు తడిపి వేసె -

ఆ దృశ్య వివరంబు లట నిట నెప్పుడో

    చదివియున్నవి నాదు మదిని మెదిలె!

పరగి, మహబూబ్ కళాశాల ప్రాంగణమున

నిన్నటి సభలో నేను పాల్గొన్న వేళ,

నూట ముప్పదేళ్ళ క్రితము నాటి స్ఫూర్తి -

తనువు నందాడె నిలువెల్ల తాండవమ్ము!#