హృదయ మొక సిరా బుడ్డిగ!
వదలక యందు కొనసాగు భావనము సిరా!
మెదడను కలమును ముంచియు
పదిలముగా వ్రాయ జిహ్వపై, నది కవితౌ! #
హృదయ మొక సిరా బుడ్డిగ!
వదలక యందు కొనసాగు భావనము సిరా!
మెదడను కలమును ముంచియు
పదిలముగా వ్రాయ జిహ్వపై, నది కవితౌ! #
ఈ "కరోన" కాలమ్ములో నేక ధార
వర్ష మేమొ - ఎండలు "హోము క్వారెనుటిను"
లోని కేగె! మబ్బుల "మాస్కు" లూనె నింగి!
వరుణుడు భువిని "సానిటైజ్" పరచుచుండె!
ఏమి చెప్పవలెనొ - ఎరుగును జ్ఞానమ్ము!
ఎటుల చెప్పవలెనొ - ఎరుగు నేర్పు!
ఎంత చెప్పవలెనొ - ఎరుగు వివేకమ్ము!
పరిణ తెరుగు - చెప్పవలెనొ .. లేదొ ... !!
డా.ఆచార్య ఫణీంద్ర ముక్తక పద్యాలు