11, అక్టోబర్ 2021, సోమవారం

సంతసము

మనిషి సంతసమును మహిని పొందు కొరకు

రెండు విధము లనుసరించవచ్చు!

ఒకటి - మార్చి యప్పుడున్న పరిస్థితిన్;

రెండు - మార్చి మతిని రేగు స్థితిని! #

5, అక్టోబర్ 2021, మంగళవారం

అంకము జేరి ...

అంకము జేరి నా మనుమ డాసన మన్నటు కూరుచుండి, బా 

ల్యాంక విచేష్టతోడ శిర మంతట ప్రక్కకు వంచి‌ గోముగా;

పంకజ నాభుడే శిరము వంచి జగత్తును గాంచినట్టు, లా

వంక గలట్టి టీ.వి. గని, భవ్యముగా చిరునవ్వు చిందెడిన్!        

        

1, అక్టోబర్ 2021, శుక్రవారం

నమ్మకం

ఎవరినైన పూర్తిగ నమ్మి తేని నీవు,

దక్కు నేదొ యొక్కటి జీవితమున నీకు -

మరచిపోలేని గుణపాఠమైన! లేక,

చెరగిపోనట్టి ఒక మంచి స్నేహమైన!!