24, మే 2020, ఆదివారం

భాస్కరా!


గగనములో ప్రచండ నవ కాంతి మహా కిరణాగ్ని కీలలన్
భగభగ మండి యుగ్రముగ భస్మ మొన ర్చిదె మండు వేసవిన్,
భుగభుగ మంచు వ్యాప్తి గొను భూతము - దుష్ట "కరోన" వైరసున్!
జగమున మానవాళి కిక సత్వర రక్షను గూర్చు భాస్కరా!
రచన, సమర్పణ : - సమయం : కామెంట్‌లు లేవు:

14, మే 2020, గురువారం

'మే'


"'ఏప్రిలు' నెల పిదప యే మాస మరుదెంచు?
'జూను' కన్న మునుపు నే నెల యగు?"
నంచు ప్రశ్న వేసినంత మేక కొకండు -
మేక బదులు చెప్పె 'మే' యటంచు!

రచన, సమర్పణ : - సమయం : కామెంట్‌లు లేవు:

9, మే 2020, శనివారం

వాయువు పాడుగాను!

వాయువు పాడుగాను! బలవంతమునౌ విష సర్ప మొక్కటిన్
మాయగ కాళరాత్రిని అమాంతము పైబడి కాటు వేసి, పా
పాయిలు, స్త్రీలు, వృద్ధులకు ప్రాణము దొంగిలినట్లు, వ్యాప్తియై
ఆయువు దీసె నెందరికొ! అక్కట! ఎంత "విషాదపట్నమో"!

(విశాఖపట్నంలో 6 మే 2020 నాటి రాత్రి "ఎల్.జి. పాలిమర్స్" కర్మాగారం నుండి జరిగిన 'గ్యాస్ లీక్' దుర్ఘటనకు చలించి -)

రచన, సమర్పణ : - సమయం : కామెంట్‌లు లేవు:

27, ఏప్రిల్ 2020, సోమవారం

దిక్కు లేని వారి దిక్కు వాడు!


చక్కనైన వాడు - లెక్క తప్పని వాడు -
దక్కవలసిన దెదొ దక్కజేయు!
దిక్కు లన్నిట నిలదొక్కి నిల్చెడి వాడు -
దిక్కు లేని వారి దిక్కు వాడు!!
రచన, సమర్పణ : - సమయం : కామెంట్‌లు లేవు:

19, మార్చి 2020, గురువారం

తుదకు ...














(ఈ రోజు ఉదయం "నిర్భయ" దోషులకు ఉరిశిక్ష అమలు జరిపిన సందర్భంగా ...)
రచన, సమర్పణ : - సమయం : కామెంట్‌లు లేవు:

4, మార్చి 2020, బుధవారం

భారమనక ... !


కడుపులోన మోయు కన్నబిడ్డను తొల్త  -
చేతులందు మోయు చిన్న నాట -
ఎదుగు పిదప మోయు హృదిలో - ఇటుల తల్లి 
బ్రతు కదెల్ల మోయు భారమనక!

రచన, సమర్పణ : - సమయం : కామెంట్‌లు లేవు:

3, మార్చి 2020, మంగళవారం

ఏది గొప్ప?


ధనము నార్జించు టొక గొప్పదనము కాదు -
శాశ్వత యశమొందుటయు ప్రశస్తి గాదు -
కనిన యంత - కనుల తోనె కౌగిలించు
జనుల అభిమానమును చూరగొనుట గొప్ప!
             
రచన, సమర్పణ : - సమయం : కామెంట్‌లు లేవు:
దీనికి సబ్‌స్క్రయిబ్ చేయి: పోస్ట్‌లు (Atom)