"సగమె నీరు గలదు - మిగిత ’ఖాళీ కుండ’!"
అనుట నిజము కాదు! అది మన భ్రమ!
సగము నీరు గలదు - సగము గాలి కలదు -
నిండియుండె కుండ! - నిజము కనుము!
(భావి ప్రధాని శ్రీ నరేంద్ర మోడి ’శ్రీరాం కళాశాల’లో చేసిన ప్రసంగంలోని ఒక అంశానికి పద్య రూపం - )
11, ఫిబ్రవరి 2013, సోమవారం
నిండు కుండ!
"సగమె నీరు గలదు - మిగిత ’ఖాళీ కుండ’!"
అనుట నిజము కాదు! అది మన భ్రమ!
సగము నీరు గలదు - సగము గాలి కలదు -
నిండియుండె కుండ! - నిజము కనుము!
(భావి ప్రధాని శ్రీ నరేంద్ర మోడి ’శ్రీరాం కళాశాల’లో చేసిన ప్రసంగంలోని ఒక అంశానికి పద్య రూపం - )
10, జనవరి 2013, గురువారం
సంకల్ప బలం
వ్రేళ్ళ సందు నుండి వెలువడు పలుచని
ఉదకమే - ఉదధిని ఓడ నెత్తు!
సాధన కృషి యున్న, సంకల్ప బలమున్న
చేయలేని పనులు సృష్టి గలవె?
1, జనవరి 2013, మంగళవారం
2013
సున్న, ఒకటి, రెండు, చూడగా మూడును
ఒకరి కొకరు దొరకకుండ దాగి,
ఆడు బాల లట్టు లగుపించు నీ యేడు -
అంద రటులె మోద మందు గాక!
22, డిసెంబర్ 2012, శనివారం
వాడను నేదియో ...
వేడుక లంతరించి మది వేదన నిండు క్షణమ్ము లోపలన్ -
గోడులు, కష్టముల్ తొలగి కూడును మోదము నంత నంతలో!
వాడను నేదియో - అదియె వర్తిలు నీ జగమందు సర్వదా!
8, డిసెంబర్ 2012, శనివారం
నిస్వార్థ జీవనం
పూవులు పూచి, దేవతల పూజలకై వినియోగ మొందురా!
పూవులు నల్గి, దంపతులు పొందు సుఖంబు మరింత పెంచురా!
పూవులునై యలంకరణముల్ కనువిందును సేయు; పంచు నె
త్తావుల గాని - స్వార్థమున తా మెది పొందవు జీవితంబునన్!
6, డిసెంబర్ 2012, గురువారం
కొత్త కాపురం
వెన్నెల కౌగిలింప శశి వెల్గులు చిందినయట్లు, భృంగమున్
క్రొన్నన తేనె జుర్రినటు, కోయిల మావి చివుళ్ళ బుగ్గలం
దన్నున మెల్లగా కొరికినట్లు, ప్రగాఢ మనోజ్ఞ ప్రేమ సం
పన్నుడునై వరుండు చెలి పాలిట మన్మథుడై సుఖించెడిన్!
29, నవంబర్ 2012, గురువారం
భారతీయ కవిత్రయము
ఒకడు ’వాల్మీకి’, ’కాళిదా’ సొక్కడు, మరి
యొక్కడు ’రవీంద్ర నాధుడు’... ఒక్క వీరె
భారతీయ సాహిత్య ప్రభాకరు లిల!
వారు గాక నెల్ల రిక ఉపగ్రహాలె!
(జ్ఞానపీఠ పురస్కార గ్రహీత 'గిరీశ్ కర్నాడ్' - "రవీంద్రనాథ్ టాగోర్ వి చౌకబారు రచనలు" అని అన్నప్పుడు కలిగిన ఆవేదనలో నుండి పుట్టిన పద్యం.)
*** *** *** ఇది ఈ బ్లాగులో నా 100వ పోస్ట్ *** *** ***
దీనికి సబ్స్క్రయిబ్ చేయి:
పోస్ట్లు (Atom)
.jpg)
