పరమత సహనము

క్రైస్తవుల్ పేదల కలుపుకొంచు తమలో
    అవమానపరిచిరి - హైందవులను!
హిందువు లుద్రేక మెచ్చి, దాడులొనరిం
    చిరి - ముస్లిములును, మస్జిదుల పైన!
ముస్లిముల్ ద్వేషమ్ము ముదిరి, "జిహాదం"చు జరిపిరి హింస - క్రైస్తవుల పైన!
బౌద్ధుల వెంటాడి పారద్రోలిరి నేడు
      కమ్యునిస్టులు "టిబెట్" గడ్డ నుండి!

ఎవ్వరి యభిమతము నవ్వారిదని యెంచు
"పరమత సహనమ్ము" పనికి రాదొ?
సాటి మతము పట్ల సానుభూతి కరువై
మంట గలియుచుండె మానవతయె!

(శ్రీలంకలో ఈస్టర్ పర్వదినం నాడు జరిగిన మారణహోమానికి కలచిన హృదయంతో ...)

-  డా. ఆచార్య ఫణీంద్ర