సరస సంభాషణం

ప్రతిదిన మేదియు పట్టించుకొనకుండ

     దినమెల్లయు దినపత్రికను చదువు

పతిని దెప్పిపొడుచు పన్నాగమే పన్ని

     పత్ని ఆ పతితోడ పలికె నిటుల -

"నేనొక దినపత్రి కైన బాగుండయో!

     దినమెల్ల మీ చేత మనెడి దాన!"

అది విని ఆ భర్త అంతకు మించిన

     వెటకారమున బల్కె విస్తుబోవ -

"ఓసి పిచ్చి దాన! ఒకటి మరచితీవు!

ప్రతి దినమొక క్రొత్త పత్రి కేను

చదువుచుందు గాని, చచ్చి గీ పెట్టినన్

మరుదినమున దాని మరల ముట్ట!" #