శత జయంతి నతులు!

ఎవని దేశ సుభక్తి ఈ దేశ సేవకై
      జీవితంబెల్ల వెచ్చింప జేసె -
ఎవని ధర్మ నిరతి ఎల్ల కాలములందు
      సన్మార్గ పథములో సాగ జేసె -
ఎవని నిజాయితీ ఎల్లరు మెచ్చగా
      ఎదుగుదల, ప్రధాని పదవి నిచ్చె -
ఎవని చాణక్య గృహీతి అడ్డంకుల 
      నెదిరించి, పదవి నైదేండ్లు నిలిపె -      

ఎవని మేధ, విశాలానుభవము దేశ
దుర్భరార్థిక దురవస్థ తొలగ జేసె -
అట్టి పి.వి. నరసింహరా యాహ్వయునికి
శత జయంతి వత్సరమున నతులొనర్తు! #