తల్లి! నీకు జై!

పొట్టను రూపమిచ్చి, పలు పోటుల నోర్చుచు తొమ్మిదిన్ నెలల్,
గట్టిగ వచ్చు నొప్పులను కాదనకుండ సహించి, బిడ్డకున్
పెట్టియు జన్మ భిక్ష, తగు పేరిడి, ప్రేముడి పంచి పెంచి తా
పట్టుచు పాలు, బువ్వ, గుణవంతుగ దీర్చెడి తల్లి! నీకు జై!

(మాతృ దినోత్సవ సందర్భంగా -
విశ్వంలోని సకల ప్రాణికోటిలో ... మరొక ప్రాణికి జన్మ నిచ్చిన ప్రతి మాతృ మూర్తికి -
జన్మ నొందిన ప్రతి ప్రాణికి ప్రతినిధిగా పాదాభివందనం చేస్తూ -
డా. ఆచార్య ఫణీంద్ర )