12, అక్టోబర్ 2009, సోమవారం

మత్తు


మందు త్రావినపుడె మత్తెక్కునను మాట
ఉత్త మాట ! వట్టి చెత్త మాట !
మంచి కవిత గ్రోల, మత్తెక్కు నాకెంతొ -
దిగదు మత్తు త్వరగ ! దిగదు ! దిగదు !

8 వ్యాఖ్యలు:

  1. అంతగా మత్తు నెక్కించు నట్టి కవిత
    నెద్ది చదివితి రీమధ్య నెచట దొరికె?
    పెగ్గు కయ్యెడి కర్చు తప్పించు కవిత
    కానవచ్చుట నాకు భాగ్యంబు గాదె.

    ప్రత్యుత్తరంతొలగించు
  2. కవి సోదరా !
    కంది శంకరయ్యా !
    నమః

    పానమందున పగలెల్ల స్నానమాడి,
    రేయి ’ పాన శాల ’ కయి తిరిగి వెదికెడు
    త్రాగుబోతును తలపింప తగునటయ్య ?
    మధుర కావ్య పాన విశేష మత్త చిత్త !

    చదివినంత ’ శేషేంద్ర ’ వచన కవితల,
    ’ దాశరథి ’ కవి వరుని పద్య కవితలను -
    మత్తు మస్తిష్కమం దెక్కి చిత్తు సేయు !
    దిగదు రెండు, మూడు దినముల్ దిగదు నాకు !

    ప్రత్యుత్తరంతొలగించు
  3. కొత్త పాళీ గారికి
    ధన్యవాద పూర్వక వినమ్రాంజలి !

    ప్రత్యుత్తరంతొలగించు