12, అక్టోబర్ 2009, సోమవారం

మత్తు


మందు త్రావినపుడె మత్తెక్కునను మాట
ఉత్త మాట ! వట్టి చెత్త మాట !
మంచి కవిత గ్రోల, మత్తెక్కు నాకెంతొ -
దిగదు మత్తు త్వరగ ! దిగదు ! దిగదు !
రచన, సమర్పణ : - సమయం :

8 కామెంట్‌లు:

  1. Hima bindu12 అక్టోబర్, 2009 10:25 AMకి

    చాల బాగుంది

    రిప్లయితొలగించండి
  2. భాస్కర రామిరెడ్డి12 అక్టోబర్, 2009 10:55 AMకి

    :-)

    రిప్లయితొలగించండి
  3. కంది శంకరయ్య12 అక్టోబర్, 2009 6:37 PMకి

    అంతగా మత్తు నెక్కించు నట్టి కవిత
    నెద్ది చదివితి రీమధ్య నెచట దొరికె?
    పెగ్గు కయ్యెడి కర్చు తప్పించు కవిత
    కానవచ్చుట నాకు భాగ్యంబు గాదె.

    రిప్లయితొలగించండి
  4. కొత్త పాళీ13 అక్టోబర్, 2009 4:25 AMకి

    అది పద్యమా, ఫ్రెంచి మద్యమా! :)

    రిప్లయితొలగించండి
  5. డా.ఆచార్య ఫణీంద్ర13 అక్టోబర్, 2009 4:49 AMకి

    కవి సోదరా !
    కంది శంకరయ్యా !
    నమః

    పానమందున పగలెల్ల స్నానమాడి,
    రేయి ’ పాన శాల ’ కయి తిరిగి వెదికెడు
    త్రాగుబోతును తలపింప తగునటయ్య ?
    మధుర కావ్య పాన విశేష మత్త చిత్త !

    చదివినంత ’ శేషేంద్ర ’ వచన కవితల,
    ’ దాశరథి ’ కవి వరుని పద్య కవితలను -
    మత్తు మస్తిష్కమం దెక్కి చిత్తు సేయు !
    దిగదు రెండు, మూడు దినముల్ దిగదు నాకు !

    రిప్లయితొలగించండి
  6. డా.ఆచార్య ఫణీంద్ర13 అక్టోబర్, 2009 4:53 AMకి

    కొత్త పాళీ గారికి
    ధన్యవాద పూర్వక వినమ్రాంజలి !

    రిప్లయితొలగించండి
  7. Unknown16 నవంబర్, 2009 3:47 PMకి

    తాక్కుండానే నాకూ మత్తెక్కినట్లుందేమిటో.

    రిప్లయితొలగించండి
  8. డా.ఆచార్య ఫణీంద్ర16 నవంబర్, 2009 4:38 PMకి

    నరసింహ [ వేదుల ] గారు !
    ధన్యవాదాలు !

    రిప్లయితొలగించండి

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)